ມະຫາວິທະຍາໄລແຫ່ງຊາດ ຈັດງານພົບປະລະຫວ່າງ ພະແນກພັດທະນາຊັບພະຍາກອນມະນຸດ ແລະ ປະກັນສັງຄົມ ແຂວງກວາງຊີ ສປ ຈີນ ແລະ ມະຫາວິທະຍາໄລແຫ່ງຊາດ

ສະມາຄົມຄົນຈີນກວາງຊີ ປະຈຳ ສປປລາວ ແລະສູນຄົ້ນຄວ້າຈີນ, ມະຫາວິທະຍາໄລແຫ່ງຊາດ ຈັດງານພົບປະລະຫວ່າງ ພະແນກພັດທະນາຊັບພະຍາກອນມະນຸດ ແລະ ປະກັນສັງຄົມ ແຂວງກວາງຊີ ສປ ຈີນ ແລະ ມະຫາວິທະຍາໄລແຫ່ງຊາດ ເພື່ອປຶກສາຫາລືກ່ຽວກັບການຮ່ວມມືວາງສະແດງລະຫວ່າງ ສປຈີນ-ກຸ່ມປະເທດອາຊຽນ ທີ່ຈະຈັດຂື້ນໃນເດືອນພະຈິກທີ່ຈະມາເຖິງຢູ່ເມືອງນານນິງ, ແຂວງກວາງຊີ ສປ ຈີນ

ໃນວັນທີ 21 ກັນຍາ 2023 ທີ່ສຳນັກງານອະທິການບໍດີ, ທ່ານ ຕາງ ບາວ ເວິນ, ຫົວໜ້າພະແນກຊັບພະຍາກອນມະນຸດ ແລະ ປະກັນສັງຄົມ ເຂດປົກຄອງກວາງຊີ ສປ ຈີນ ພ້ອມດ້ວຍຄະນະ ໄດ້ເຂົ້າຢ້ຽມຢາມ ທ່ານ ຮສ. ປອ. ເດຊານຸລາດ ແສນດວງເດດ, ຮອງອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍຄະນະເພື່ອປຶກສາຫາລືກ່ຽວກັບການຮ່ວມມືວາງສະແດງກ່ຽວກັບການບໍລິການດ້ານຊັບພະຍາກອນມະນຸດ ຈິນ-ອາຊຽນ ແລະ ກອງປະຊຸມປຶກສາຫາລືການຮ່ວມມືດ້ານການພັດທະນາຊັບພະຍາກອນມະນຸດ ຈີນ-ອາຊຽນ 2023 ທີ່ຈະຈັດຂື້ນ ວັນທີ 3-4 ພະຈິກເມືອງນານນິງ, ແຂວງກວາງຊີ ສປ ຈີນ

ໃນໂອກາດດັ່ງກ່າວ, ທ່ານ ຮອງອະທິການບໍດີ ມະຫາວິທະຍາໄລແຫ່ງຊາດ ກໍໄດ້ສະແດງຄວາມຊົມເຊີຍ ແລະຕ້ອນຮັບຢ່າງອົບອຸ່ມຕໍ່ການມາຢ້ຽມຢາມຂອງຄະນະຜູ້ແທນຝ່າຍຈີນ ແຂວງກວາງຊີ ເຊີ່ງເປັນການປະກອບສ່ວນເຂົ້າໃນການເສີມຂະຫຍາຍສາຍພົວຮ່ວມມືລະຫວ່າງ ສປຈີ ແລະ ສປປ ລາວ ໂດຍສະເພາະແມ່ນຂະແຫນງການສຶກສາ ແລະພັດທະນາຊັບພະຍາກອນມະນຸດ ພ້ອມກັນນັ້ນ ທ່ານ ຍັງໄດ້ແຈ້ງສະພາບລວມໂດຍຫຍໍ້ຂອງມະຫາວິທະຍາໄລແຫ່ງຊາດ ໃຫ້ແກ່ ຄະນະຝ່າຍຈີນໄດ້ຮັບຊາບ.

ສ່ວນທ່ານ Tang Biaowen( 唐标文) ຖາງປ່ຽວເຫວິນ ກໍໄດ້ນໍາສະເຫນີສະພາຍໂດຍລວມຂອງພະແນກຊັບພະຍາກອນມະນຸດ ແລະ ປະກັນສັງຄົມ ເຂດປົກຄອງກວາງຊີ ສປ ຈີນ, ນໍາສະເຫນີກິດຈະກໍາຕ່າງໆ ໃນງານວາງສະແດງ ແລະເວທີປຶກສາຫາລືກ່ຽວກັບການຮ່ວມມືພັດທະນາຊັບພະຍາກອນມະນຸດ ທີ່ຈະຈັດຂື້ນໃນເດືອນພະຈິກ ທີ່ຈະມາເຖິງ ພ້ອມທັງຖືໂອກາດເຊື້ອເຊີນ ທ່ານ ອະທິການບໍດີ ມະຫາວິທະຍາໄລແຫ່ງຊາດ ເຂົ້າຮ່ວມ ແລະຂື້ນປະກອບຄໍາເຫັນໃນເວທີປຶກສາຫາລືການຮ່ວມມືດ້ານຊັບພະຍາກອນ ຈີນ-ອາຊຽນທ ສະເຫນີໃຫ້ ມະຫາວິທະຍາໄລແຫ່ງຊາດ ແນະນໍາ, ປຸກລະດົມຂົນຂວາຍບັນວານັກວິທະຍາສາດ, ຊ່ຽວຊານ, ນັກປາດ, ໄວຫນຸ່ມນັກສຶກສາ ເຂົ້າຮ່ວມ ແລະມີສ່ວນຮ່ວມໃນງານວາງສະແດງການບໍລິການທາງດ້ານຊັບພະຍາກອນມະນຸດ ຈີນ-ອາຊຽນ, ເວທີປາໄສການຮ່ວມມື ແລະພັດທະນາບຸກຄະລາກອນທີ່ມີຄຸນະພາບສູງ ຈີນ-ອາຊຽນ, ເວທີປາໄສນັກສຶກສາຫນຸ່ມ ຈີນ-ອາຊຽນ, ກອງປະຊຸມສຸດຍອດ ຊັບພະຍາກອນມະນຸດຈີນ (ກວາງຊີ) ຄັ້ງທີ 6 ແລະ ກອງປະຊຸມຍ່ອຍອື່ນໆທີ່ກ່ຽວຂ້ອງ ເພື່ອເປັນການພົບປະ ແລກປ່ຽນກັບບັນດານັກຊ່ຽວຊານທີ່ມາຈາກມະຫາວິທະຍາໄລແຫ່ງຕ່າງໆມີມີຊື່ສຽຂອງຈີນ ແລະບັນດາປະເທດສະມະຊິກອາຊຽນ.

ທ່ານ ຮສ. ປອ. ເດຊານຸລາດ ແສນດວງເດດ ກໍ່ໄດ້ສະແດງຄວາມຂອບໃຈ ແລະຍິນດີຕອບຮັບຕາມຄໍາເຊື້ອເຊີນຂອງຄະນະຝ່າຍຈີນ ໂດຍອີງຕາມເງື່ອນໄຂຄວາມເປັນຈິງຂອງມະຫາວິທະຍາໄລແຫ່ງຊາດ ໂດຍສະເຫນີໃຫ້ຝ່າຍຈີນ ແຈ້ງບັນດາເງືອນໄຂ ແລະຂໍ້ກໍານົດຕ່າງໆເພີ່ມຕື່ມ ສໍາລັບຜູ້ທີ່ຈະເຂົ້າຮ່ວມງານ ເພື່ອເປັນແນວທາງໃຫ້ແກ່ການປຸລະດົມຂົນຂວຍຊ່ຽວຊານ, ນັກປາດ, ໄວຫນຸ່ມນັກສຶກສາຂອງລາວເຂົ້າຮ່ວມຢ່າງເຕັມທີ່ ແນ່ໃສ່ສ້າງໂອກາດໃນການແລກປ່ຽນບົດຮຽນ, ຍົກລະດັບຄວາມຮູ້, ຄວາມສາມາດ ແລະ ປະສົບການໃໝ່ໆ ເພື່ອນໍາມາມາໝູນໃຊ້ເຂົ້າໃນວຽກງານໃຫ້ເກີດປະໂຫຍດສູງສຸດ ເພື່ອປະກອບເຂົ້າໃນການພັດທະນາ-ການສ້າງຄູ່ຮ່ວມຊາຕາກໍາລາວ-ຈີນໃຫ້ກ້າວໜ້າຕື່ມອີກ.

ໃນຕອນທ້າຍ, ທ່ານ Tang Biaowen( 唐标文) ຖາງປ່ຽວເຫວິນ ກໍໄດ້ມອບເຄື່ອງໃຊ້ຫ້ອງການເຊັ່ນ:ຄອມພິວເຕີ2ໝ່ວຍ,ປີ້ນເຕີ2ໝ່ວຍ.ລວມມູນຄ່າ38ລ້ານກີບ ໃຫ້ແກ່ ສູນຄົ້ນຄວ້າຈີນ ມະຫາວິທະຍາໄລແຫ່ງອີກດ້ວຍ.